Servus beinand,
übamoarng fangt'd Wiesn in Münchn o, und drum gibt's jetzt moi a Vorhersage fürs Wiesnweeda. Und wei's so a boarischs Thema is, schreib i dees heid amoi auf Boarisch. I hoff, ees kennz mi oisam vaschdee!
So, nachad fang ma moi mit da Weedalåg o. Erscht amoi, zum Ozapfa is' no schee Weeda und aa ganz schee waam. Do is nämlich a Tief im Nordewestn, und auf da Voadaseiddn kimmt no warme Luft dahea.
Quelle für alle Karten: http://www.wetterzentrale.deAba am Sonndåg is des Tief scho a wengal weida umma zong, und am Samsdåg aufd Nacht kunnt's scho min Renga ofanga, vielleicht dass's sogår a Gwidda gibt. Am Sonndåg is' an jädn Foi koid und rengd de mehra Zeid.
Aba de Dog drauf duad sa se scho wieda beruhign und nacha kimmt wieda da Hochdruck dahea:
An Unddaschied merkt ma aa bei de Temparaturn, de gengan am Sonndog ganz schee åwe.
Und dann schaung ma uns amoi an Reng o, do kimmt scho a bisl wås åwa am Sonndåg.
Und am Schluss no a bisl an Ausblick: Nåchm Reng werd's wieder ruhig, des hon i ja scho gsågt, und so bleibt's wahrcheinlich aa in da zwoaddn Wiesnwoocha, so wia ma's då auf da Karddn fürn Donnasdåg heid in 14 Dåg siggd.
Und jetzad kennz midreen, boi's mi vaschdandn habz!
Ois Guade
Max